Pumarín acueye l’Asamblea Abierta d’Agora en Mancomún

Esti sábadu 5S, en Xixón, celebrase 3ª Asamblea Abierta n’Asturies d’Agora en Mancomún, siguida d’una ComidaEnComún pa falar de la presencia asturiana na Asamblea Estatal.

L’Asamblea va desenvolvese na Asociación de Pensionistes de Xixón, na cai Puerto Cerredo nel Polígonu de Pumarín y unu de les principales temes que se va tratar, va ser la presencia de AeC-Asturies na 1ª Asamblea Estatal, que va tener llugar el próximu 12 de setiembre en Madrid. Tamién va ser abierta y tan convidaos a participar tolos interesaos.

Rematada l’Asamblea, sobre les 14 h, va esfrutase d’una ComidadeTraje (yo traxi esto, el to traxisti aquello…) pa tener ocasión de charrar y conocer meyor a tolos participantes.

Agora en mancomún ye  una iniciativa de Confluencia pa toles persones y organizaciones que deseyen un fondu tresformamientu social. Na so convocatoria dizse que  “ye tiempu d’aunir fuerces pa parar los escesos d’unos pocos, de les grandes corporaciones y de una clase política que yá non nos representa. Nacimos con vocación de xunir la voluntá popular nuna gran MareaConfluyente, capaz d’enchir dende una candidatura electoral de UnidadPopular y recuperar el poder político en favor de la mayoría social, ensin dexar a naide tras. QueremosConfluencia porque creemos nuna sociedá más xusta y democrática pa toles persones”.