Portada Sociedá PAS y URAS aconceyen pa echar andar el proyectu d’Unión Asturianista

PAS y URAS aconceyen pa echar andar el proyectu d’Unión Asturianista

by asturnet

Les executives del Partíu Asturianista (PAS) y Unión Renovadora Asturiana (URAS) aconceyen esti fin de selmana n’Uviéu col fin d’echar andar el proyectu común d’Unión Asturianista. La elaboración d’una llinia estratéxica col oxetivu d’algamar representación institucional nes prósimes elecciones autonómiques y municipales ye l’enfotu que marca la reunión de los dos partíos asturianistes.

L’aconceyamientu d’Uviéu habrá valir, según declararon fontes de les dos formaciones polítiques a diversos medios: “afinar dalgunes cuestiones programátiques que se van sustanciar nun manifiestu, aumentar la coordinación y el trabayu conxuntu y, finalmente, establecer un programa concretu d’actuaciones por llugares y sectores sociales”. Los presidentes de PAS y URAS, Xuan Xosé Sánchez Vicente y Sergio Marqués van encabezar les delegaciones de los dos partíos na primer reunión de les sos executives.

Tamién te podria gustar