Pablo Rodríguez Alonso espubliza “Palabres d’un tiempu”

L’hestoriador y escritor xixonés Pablo Rodríguez Alonso ta acabante espublizar “Palabres d’un tiempu”, un poemariu asoleyáu pola editorial Trabe y qu’en 2010 resultó ganador del Premiu Nené Losada Rico. Esta obra ye la tercera asoleyada pol autor, dempués del poemariu “La lluz del nordés”, y l’ensayu De totalitarios a «demócrates». Franquismu, fascismu y nazismu na II Guerra Mundial al traviés del diariu xixonés Voluntad, que ganare’l XII Premiu d’investigación y divulgación Rosario de Acuña.