Ocho proyectos van al Concursu d’idees pa la redolada del Campu San Francisco

Los conceyales del equipu de gobiernu, Ana Rivas, Iván Álvarez ya Ignacio Fernández del Pandorial fixeron declaraciones  en rematando la xunta de la Mesa Xuráu del Concursu d’Idees de la Redolada del Campu San Francisco y comunicaron que se presentaren ocho proyectos.

Iván Álvarez, edil de Contratación, especificó que s’abrieron ocho propuestes pa un proyectu bien ambiciosu qu’afecta al nuedu de la ciudá, un proyectu vital. D’equí p’arriba establezse un periodu de dos o trés selmanes lo que los va llevar a los técnicos evaluar les ufiertes. Son 30.000 euros de premiu a los trés primeros y 12.000 a partir ente los trés siguientes. Esperemos que’l proyectu sía igual d’ambiciosu qu’el del Bulvar”.

La conceyala d’Infraestructures, Ana Rivas aportunó en que “ye un concursu d’idees, ye dicir son puestes iniciales y quien lu gane va ser l’encargáu de redactar el proyectu, lo más cercano a lo presentao, pero que sía ejecutable. Ye un gran proyectu pero hai que tener curiáu por que, aportuno, sía ejecutable y afáigase a la realidá”.

El responsable municipal d’Urbanismu, Ignacio Fernández Del Pandorial, aseguró que “tamos énte otru finxu a la de resolver los problemes de la ciudá. Tratase de recuperar el Campu como fiximos cola redolada de Santuyano. Son dos partes, una concepción global del Campu y la so redolada y otra, los accesos piatonales del parque y el promover el tresporte y la movilidá sostenible, amás d’intervenir nel Paséu de los Álamos”. Y ta cuantificada esta actuación “nunos dos millones d’euros”.