Nicanor Rozada presenta un nuevu poemariu en Sotrondiu

Esti llunes 23 d’abril con motivu del Día del Llibru l’Asociación Bicentenariu de Samartín del Rei Aurelio presenta a les 19 hores na Casa de la Mocedá de Sotrondiu’l nuevu llibru de Nicanor Rozada García.

Nesta ocasión l’autor de ¿Por qué sangró’l monte? presenta un poemariu tituláu LA POESÍA TA NA VIDA. Nicanor Rozada, veteranu escritor qu’acaba de cumplir 90 años, ye unu de los que más llibros publicó n’Asturies, más d’una decena. Y con más exemplares vendíos, nel casu del mentáu ¿por qué sangró’l monte?, va pola 11ª edición.

Les poesíes que presenta nesta nueva obra son frutu de la esperiencia y la trayectoria vital de Nicanor y como palabres d’intensu sentimientu xunir en versos que recuerden a Miguel Hernández; onde la llucha, lo social y lo humano comparten espaciu cola filosofía ,la vida cotidiana , les emociones y la tenrura.