Más de 300.000 bombilles de baxu consumu enllenen de coloríu les cais d’Avilés

Un árbol de 12 metros va presidir la plaza d’España y volverá allumase’l Teatru Palacio Valdés. 26 cais y places van cuntar con decoración lluminosa, gracies a la collaboración ente’l Conceyu y más de 300 comercios y empreses d’hostelería al traviés de la UCAYC. 

La Esposición, centru neurálxicu de Navilés 2020, va cuntar con una espectacular puerta d’entrada, de diez metros d’altu, un abetu y un renu lluminosu interactivo na escampada. Les lluces va estendese por 26 cais y places del centru, con más de 300.000 bombilles LED, de baxu consumu, que les enllenará de coloríu, gracies a la collaboración ente’l Conceyu y más de 300 comercios y empreses d’hostelería al traviés de la UCAYC.

L’encendíu adelantrose con respectu al añu pasáu, y tuvo llugar el sábadu  a les 18.30 hores nun actu na Plaza d’España que cuntó con un conciertu al cargu d’alumnes de cuerda del Conservatorio Municipal Profesional Julián Orbón, interpretando conocíos cantares navidiegos.

El Conceyu va llucir de forma especial mientres toles fiestes con un cartelu de Felices Fiestes cortines lluminoses nos balcones y una decoración con piñes. Na plaza, un arcu d’estrelles, y un gran árbol lluminosu y transitable, de 12 metros d’altor, va sirvir de puntu d’alcuentru. Con más de 20.000 puntos de lluz en total.

Más información