Portada Lliteratura Marta Mori d’Arriba faise col Xuan María Acebal de poesía

Marta Mori d’Arriba faise col Xuan María Acebal de poesía

by asturnet

La escritora y académica de la llingua asturiana, acaba ser premiada col Xuan María Acebal de poesía, otorgáu pola Conseyería de Cultura y Turismu, pol poemariu “La mio voz”. Embaxo la presidencia de la Xefa del Serviciu de Política Llingüística, María Antonia Pedregal Montes, el xuráu taba formáu amás polos escritores Miguel Allende, Aurelio González Ovies y Esther Prieto.

El xuráu destacó que se trata d’un poemariu intimista y emocionante, perbién trabayáu estilística y formalmente, y nel que s’afilvanen imaxes que conformen un conxuntu de gran espresividá y riqueza.

Mori ye la decimosesta ganadora del premiu y la primer muyer en facese col prestixosu gallardón, dotáu con 7.000 euros.

Marta Mori d’Ariba nació en Xixón en 1965. Ye doctora en Filoloxía Hispánica pola Universidá d’Uviéu y miembru de l’Academia de la Llingua Asturiana. Anguaño, trabaya como profesora d’Enseñanza Secundaria. Autora d’artículos d’hestoria, crítica lliteraria y didáctica de la llingua, tien publicaes delles obres lliteraries: los poemarios Pórticu(2003); El tiempu de la espera (2005); y L’alcordanza (2010), asina como la colección de relatos Histories familiares (2008).

Tamién te podria gustar