Portada Lliteratura María Josefa Canellada torna a les llibreríes

María Josefa Canellada torna a les llibreríes

by asturnet

La editorial Trabe recupera na so colección “Clásicos y contemporanios” la obra “Malia, Mariantia y yo”, que supunxo’l primer volume de lliteratura p’adultos y n’asturianu espublizáu por Josefa Canellada.

María Josefa Canellada (L’Infiestu, 1913-Madrid, 1995), doctora en Filoloxía y académica de la llingua, ye autora d’una obra lliteraria n’asturianu curtia pero novedosa. Nella foi quien a derromper caminos nuevos tanto na temática como na manera de narrar.

Cola publicación del rellatu Malia, Mariantia y yo (1990) envereda’l camín de la muyer asturiana p’hacia la prosa lliteraria. Dellos de los cuentos que recueye esti volume apaecieron publicaos en Lletres Asturianes, otros tuvieron inéditos hasta 2002, cuando se-y dedicó la Selmana de les Lletres Asturianes y apaecen n’Antoloxía lliteraria.

Tamién te podria gustar