Portada Uncategorized Maléfica y el so cuervu conquisten l’Antroxu Infantil d’Uviéu

Maléfica y el so cuervu conquisten l’Antroxu Infantil d’Uviéu

by asturnet

El Concursu Infantil d’Antroxu que se celebró nel Palaciu d’Esposiciones y Congreso Ciudad d’Uviéu tuvieron a una curuxa y a Maléfica como protagonistes nuna xornada enforma celebrada polos más pequenos.

El Palaciu d’Esposiciones y Congreso Ciudad d’Uviéu convirtióse nel escenariu de la programación infantil d’Antroxu. La ufierta lúdica empezaba a les 16:30 hores con pintacaras, fotomatón y xuna serie de xuegos d’habilidá, equilibriu y coordinación sol títulu “Cirkomotric”. Una hora dempués arrincaba l’esperáu Concursu Infantil d’Antroxu. Nel, de La LLoral con un disfraz fechu a mano tituláu “El búho de cartón” ganó los 300 euros del primer puestu de la categoría individual. Tres él, Noa, de Los Campos (Corvera), fíxose col segundu puestu dotáu con 200 euros gracies a “La cocina de la güela”. La tercer posición, con un cheque de 100 euros, foi para la simpática Jimena, d’Uviéu, que desfiló tirando besos al públicu amarutada del conocíu elefante Elmer.

Alejandra y Valeria, de 7 y 2 años, ganaron na categoría de pareyes cola so propuesta “Maléfica y el cuervu” (premiu dotáu con 400 euros) , ente que Lara y Enguedeya, de 2 años, fixéronse cola segunda posición (300 euros) gracies a los sos amarutes de Minie Mouse.

Los cinco integrantes de “Llocura nel espaciu”, de 11 y 12 años, llegaes de La Lloral, ganaron los 600 euros del primer puestu de la categoría de grupos.

El xuráu tuvo integráu por Paula Palazón Secades (Imaginarium), Ignacio Calviño González (Cometa Verde), Rosalía Fernández Agudín (periodista El Comerciu), Paz Álvarez Suarez (Espectáculos Arlequina) y David Coláu (director de la Banda de Música Ciudá d’Uviéu).

Almozandia Teatru cerró la programación infantil col so espectáculu “Gotes de Maxa” anque la ufierta festiva según los concursos d’Antroxu van siguir celebrándose nos próximos díes. Puede consultar tolos detalles en www.oviedo.es/antroxu

Tamién te podria gustar