Los VII Alcuentros Ornitolóxicos Asturianos entamen en Xixón

Dende esti vienres 14 y hasta’l sábadu 15 d’avientu, el salón d’actos del Centru de Cultura Antiguu Institutu de Xixón acueye los VII Alcuentros Ornitolóxicos Asturianos, organizaos pola Coordinadora Ornitolóxica d’Asturies. Los Alcuentros incluyen una esposición de dibuxos a témpera d’Ángeles Pastur Torres, titulada “Impresiones de la Ría d’Avilés”.

El vienres, a les 17:00 hores van presentase los Alcuentros y, media hora depués, el grupu d’anillamientu Torquilla va presentar el llibru “Estudio de la avifauna en el Porreo de Villaverde. Ría de Villaviciosa. Asturias”. Juan José Fuente Díaz va dar una conferencia a les siete la tarde, titulada “L’Arcea, esa desconocida”. Pa pesllar el día, Gilberto Sánchez Jardón va proyectar semeyes de páxaros asturianos.

El sábadu 15 les sesiones ábrense a les diez de la mañana cola conferencia de Félix González Álvarez: “Estructura acústica y interpretación funcional del reclamu de Scolopax rusticola”. A les once y media la mañana, Mauro Hernández Segovia del Llaboratoriu Forense de Vida Silvestre, va dar dos conferencies: “Situación actual del usu illegal de velenu n’España, con especial referencia al Cordal Cantábricu” y “Protocolu d’actuación en supuestos casos d’envelenamientu”.

Rolando Rodríguez Muñoz falará a les cuatro y media de la “Filoxeografía del Faisán Cantábricu”. A les siete va dase’l Concursu d’identificación “Alfredo Noval”, a les 19:30 hores, Pablo Fernández García va proyectar diapositives sobre aves de Turquía, Xeorxa y Chipre y a les 20:30 hores, van pesllase los Alcuentros conociendo al ganador del concursu. Sicasí, el domingu va facese una salida complementaria al Xardín Botánicu Atlánticu de Xixón pa ver aves y otra observación de coríos y gaviotes nel parque d’Isabel La Católica. Pa dempués dir hasta El Rinconín pa obsevar aves llimícoles y gaviotes.