Los Ganaderos van sacar ganáu per Uviéu pa demandar una llei qu’acabe col llobu

Los Ganaderos de toa Asturies van sacar ganáu per Uviéu pa demandar una llei qu’acabe col llobu y regule la so actividá, al tiempu que-yos devuelva l’autonomía pa xestionar el monte.

Los ganaderos que trabayen n’estensivu n’Asturies van sacar el so ganáu per Uviéu nuna concentración delantre la sede de la Xunta Xeneral y del edificiu de la Presidencia, pa esixir una llexislación que regule la so actividá, devuelva l’autonomía al colectivu pa xestionar el monte, y permita la eliminación del los matos en monte y fine pa cola presencia del llobu en zones d’esplotación.

L’anuncia ficiéronla demientres una rueda de prensa dellos representantes del colectivu, ente ellos Juan Antonio Valladares, de la plataforma GEA (Ganadería Estensiva d’Asturies), José Antonio García, rexidor de Paastos de Picos d’Europa, o Anselmo García, ganaderu n’estensivo de Teberga.

Los principales problemes que denuncia’l sector pasen pela proliferación d’espacios protexíos xestionaos poles alministraciones, en llugar de polos mesmos ganaderos, o los planes de xestión como’l del llobu, que torguen dafechu l’actuación contra la presencia escesiva d’esti animal.