Los galardones del X Premiu María Elvira Muñiz entréguense esti xueves

Los galardones del X Premiu María Elvira Muñiz apurriranse’l xueves 16 de xineru a les 12:30 h nel Salón d’actos de la Escuela Comerciu de Xixón.

Un xuráu integráu por personalidaes del mundu cultural xixonés escoyó a la llibrería La Bona Lletra y al Colexu Públicu Clarín galardonaos col Premiu María Elvira Muñiz de promoción a la llectura convocáu pola Fundación Municipal de Cultura, Educación y Universidá Popular de Xixón.

El xuráu destacó’l llabor de La llibrería La Bona Lletra en favor del llibru y la llectura (categoría A) y premió el proyectu Suxuntivu del colexu Públicu Clarín como iniciativa singular desenvuelta per un centru educativu del conceyu de Xixón (categoría B). El proyectu Suxuntivu” empobináu a tol alumnáu del centru (450 alumnos) “pretende dar a conocer al traviés d’una obra lliteraria, el procesu creativu del llibru, dende la so escritura hasta la so edición y recepción per parte del llector”.