Portada Lliteratura Llaviana abre la convocatoria del so concursu de rellatos curtios pa muyeres

Llaviana abre la convocatoria del so concursu de rellatos curtios pa muyeres

by asturnet

Hasta’l 19 de febreru l’Ayuntamientu de Llaviana tien abiertu’l plazu pa participar na oncena edición del concursu rellatos curtios pa muyeres, nel que pueden mandar rellatos toles muyeres mayores de 18 años que lo deseyen, pudiendo presentar caúna d’elles un máximu de trés obres, en castellán o asturianu.

El tema ye llibre, valorándose de mou especial, amás de la calidá de la obra, l’emplegu d’un llinguax non sexista y un tratamientu de los temes estremáu de los estereotipos femeninos y masculinos tradicionales.

Concederáse un primer premiu, na categoría xeneral de 1.200 euros. Asina mesmo daráse un accésit de 300 euros a la meyor obra fecha por una autora del Conceyu de Llaviana.

Los trabayos han mandase al Edificiu CIDAN, asitiáu na cai Xuaquín Iglesias 1, 33980 La Pola Llaviana, Asturies. Pa más información pue llamase al teléfonu 985 602 525.

Tamién te podria gustar