L’ALLA solidarízase con Llera Ramo pol refugu la UPV a nomalu profesor eméritu

L’Academia de la Llingua Asturiana tresllada esti día nuna nota de prensa la so solidaridá al profesor y académicu Francisco Llera Ramo en rellación cola decisión de la UPV (Universidá del País Vascu) de refugar el so nomamientu como profesor eméritu, nuna escandalosa decisión del so departamentu onde hebo 12 abstenciones y dos votos en contra al votar el nomamientu.

L’Academia  de  la  Llingua  Asturiana  (ALLA)  espublizaba esta mañana de xueves una nota de prensa depués de  tener  conocencia  pelos medios de comunicación de les circunstancies poles que la UPV tomó’l determín de refugar el nomamientu del profesor Llera Ramo como Caderalgu Eméritu. L’ALLA nun quier otra cosa que destacar el llabor y el prestixu de les sos contribuciones académiques ya investigadores.

El  profesor  Llera  Ramo  ye  reconocíu  como  ún  de  los  principales especialistes  de  la  ciencia  política  n’España  y  tien  amás  una  sonadía  internacional incuestionable nesti ámbitu. Arriendes del so fundamental papel académicu dientro de la UPV,  el  profesor  Llera  Ramo  ye  l’entamador  y  responsable  del  institutu  sociolóxicu «Euskobarómetro»  dende  l’añu  1995.  Ye,  per  otru  llau,  miembru  d’estremaes asociaciones  españoles  ya  internacionales  del  ámbitu  de  la  Socioloxía  y  la  Ciencia Política  (l’Asociación  Española  de  Ciencia  Política,  la  Federación  Española  de Socioloxía y l’Asociación Vasca de Socioloxía y Ciencia Política, l’Academia Europea y  miembru del  Comité Executivu de  la International Political Science  Association ente los  años  2009  y  2014).  Nun  hai  qu’escaecer  tampoco,  xunto  estos  méritos  como profesor  ya  investigador  universitariu,  la  so  actitú  ética  y  la  so  valentía  al  asitiase dafechu escontra la violencia nes peores dómines de la mesma nel País Vascu.

Esta  institución  quier  resaltar,  otramiente,  el  llabor  y  la  rellación  dende  la Transición del profesor y miembru de númberu de l’ALLA col estudiu de les actitúes, espeutatives   y   demandes   de   los   asturianos   pa   cola   llingua   asturiana.   Asina,   les macroencuestes sociollingüístiques d’Asturies tán feches por él, como la primera, Los Asturianos  y  la  Lengua  Asturiana.  Estudio  Sociolingüístico  para  el  Principado  de Asturias que fixo por encargu del Gobiernu del Principáu d’Asturies, nel añu1991, o les dos   posteriores    II   Estudio   sociolingüístico   de   Asturias   2002y III   Estudio sociolingüístico    de    Asturias.    La    recuperación    del    asturianofeches    dende l’Euskobarómetro, baxo la so direición y espublizaes por esta Academia.

Darréu de lo anterior, l’Academia de la Llingua Asturiana quier pidir al Rectoráu de  la  Universidá  del  País  Vascu  que  recapacite  nel  so  determín  y  faiga  xusticia académica a una persona del valir y compromisu del profesor Llera Ramo, sigún afita na so nota de prensa.

Ver PDF