La Xunta d’Escritores Asturianos llega güei al so segundu día cola presencia de Xurde Morán

La presentación n’Uviéu del llibru Lías, apendiz de contador d´hestories, de Xuan Carlos Crespos va abrir güei la segunda xornada, de les trés coles va cuntar la Xunta d’Escritores Asturiana 2008. L’actu va ser a les cinco y media la tarde. Media hora depués, a les 18 hores, el miembru del RIDEA, Xosé Lluis Campal va dar llectura a la so ponencia “Preocupaciones humanistes na poesía de Carlos García Velasco (1973-1975)”.

A les seis y media va celebrase ún de los actos centrales del día, la charra de Xurde Morán “Diez años caleyando Asturies”, na que va comentar la so llarga trayectoria televisiva, primero en Tele Xixón con “Caminos y rondas” y agora en Canal10 con “L’andariegu”, programes con un ésitu bien importante.

A les siete la tarde será’l momentu pa la “Llingua y hestoria del Fueru de Zamora”, ponencia a cargu del coordinador de la Xunta, Xaviel Vilareyo. A les 19,30 van presentase los llibros d’Esther García López “Historias de vida ya señas de muerte” (Madú Ediciones) y Faraguyas, cola intervención de Cristian Velasco.

El pieslle del día va echalu un recital poéticu a les ocho la tarde, nel que va poder sentise les voces y poemes de Xurde Fernández, Llucía Fernández Marqués, Chechu García, Elvira Laruelo, Marisa López Diz, Pablo Rodriguez Alonso, Pablo Rodríguez Medina, Xuan Santori, Susana Sela y Xaviel Vilareyo.

La revista dixital Lliteratu dedica un númberu especial a la Xunta d’Escritores Asturianos 2008