La Semiente entama esti vienres en L’Entregu la VI Folixa’l Solsticiu

Por sestu añu siguíu, el colectivu La Semiente entama pa esti vienres 23 de xunu la Foguera de San Xuan de L’Entregu. Esti añu celébrase una edición especial, ya que La Foguera L’Entregu, La Folixa’l Solsticiu pasa a ser un festival bien afayaízu con una montonera de nueves actividaes.A les actividaes de siempre como l’Enrame Les Fontes del Pueblu, y la tradicional Danza Prima, xuntase-yos un conciertu gratuitu de cuatro conocíes bandes asturianes. Pa ello va haber una carpa y un escenariu nel ya habitual práu de la Foguera. Pela mañana van enramase les fontes de L’Entregu para depués pasar ya de tarde-nueche colos conciertos que tienen previsto empezar a las 20:30h la tarde.

Salón Bombé y UHP actuarán xusto enantes de prender la foguera, pa después faer el tradicional conxuru qu’esti añu tien como protagonista a la corrupción. De secute va ser la multitudinaria Danza Prima pa siguir colos conciertos de La Tarrancha y Skontra. La Semiente, posiblemente una de las asociaciones más actives del valle, organiza esta actividá de forma totalmente autoxestionada, ensin subvenciones ni ayudes económiques. Pa cubrir parte de los gastos se tiénense fecho ya delles actividaes pa recaudar fondos, sacáronse camisetes y van vendese rifes el mesmo día 23, pero también va haber un chigre na carpa con precios populares pa contribuir a sufragar dichos gastos. Animen a toles la vecines de L’Entregu, de la cuenca y de Asturias a sumase la nueche del 23 a la celebración del cambiu’l solsticiu, a potenciar una tradición llena de maxia y cultura popular, y a disfrutar de la música que se fai nesta tierra.

El primer grupu de la nuche, va ser Salón Bombé, que van poner el toque más tradicional a La Foguera L’Entregu, La Folixa’l Solsticiu. Esti grupu uvieín ye bastante nuevo, pero tá formaáu músicos consagrados dentro el panorama musical asturiano. Serán los encargados de dir metiéndonos el cocu la música pel cuerpu, faciéndonos baillar a lo agarrao y a lo suelto, faciéndonos reir coles sos lletres de murga y de pandorga. La segunda banda de la noche y jugando en casa, no es otra que UHP, dir metiéndonos el cocu la música pel cuerpu, faciéndonos baillar a lo agarrao y a lo suelto, faciéndonos reir coles sos lletres de murga y de pandorga. “Un tenedor el país en la sopa”.

La Tarrancha sedrá’l primer grupu depués de prender la foguera y baillar la Danza Prima. Vienen con cinco discos en llumbu y munches ganes de tocar, la so mecigaya d’estilos que van del ska al punk, pasando pel swign, la música asturiana, los aires balcánicos, los llatinos, pingarates folk… nun van dexar tar inmóvil a naide. Como quien diz, en parte xueguen en casa, ya que durante dellos años tuvieron el local d’ensayu na Sierra’l Trabanquín a cien metros del Práu La Foguera.

El Punk Folk d’Skontra nun podía faltar a La Foguera L’Entregu, La Folixa’l Solsticiu. Precísamente’l so quintu discu d’esta veterana banda ñacía n’Aviles allá pel 2001, nun tien otru nome que Foguera.