La primer semeya de Xovellanos por Goya vuelve a Xixón nel cincuentenariu del Muséu Casa Natal

La inauguración de la semeya de Xovellanos énte l’arenal de San Llorienzo, pintáu por Francisco de Goya escontra 1782, a la mesma sala de la casona familiar onde l’ilustráu quixo que lluciera marca’l puntu central de les conmemoraciones del cincuentenariu del Muséu Casa Natal de Xovellanos, inauguráu va mediu sieglu’l 6 d’agostu. El cuadru, que se topa en depósitu nel Muséu de Belles Artes d’Asturies, va permanecer en Xixón hasta’l próximu mes de setiembre.

L’actu inaugural cuntó cola presencia del Presidente del Principáu d’Asturies, Adrián Barbón, quien defendió’l calter de «patrimoniu de toos» de Xovellanos, la so honestidá intelectual» y el so calter activu y propositivo énte l’Asturies del so tiempu y el futuru. Pela so parte, l’Alcaldesa de Xixón, Ana González, aludió al simbolismu d’un acontecimientu que aúna tolos propósitos del Muséu Casa Natal: la so custodia de la memoria y el legáu jovellanista, la custodia del patrimoniu artísticu municipal y el llabor de divulgación y promoción que se realiza dende’l centru.

L’ampliu y diversu programa de proyectos y actividaes entamaes incide na importancia de la colección y de los trabayos de caltenimientu, estudiu y mediación desenvueltos por esta institución. Ye xuna mirada a la nuesa hestoria, al tresformamientu y desenvolvimientu d’una colección que se convierte nun muséu abierto y dinámico que tien como oxetivos caltener la nuesa memoria y constituyise nun espaciu abiertu y de referencia pa la nuesa identidá colectiva.

CONSULTA NESTI ENLLAZ TOU EL PROGRAMA DEL CINCUENTENARIU DEL MUSÉU CASA NATAL DE XOVELLANOS