La Oficina de Movilidá Xuvenil d’Avilés “Europa Equí” entama charres sobre voluntariáu européu hasta avientu

La Conceyalía de Mocedá del Conceyu d’Avilés, al traviés de la Oficina de Movilidá Xuvenil Internacional d’Avilés “Europa Equí”, entama sesiones informatives sobre’l programa de Serviciu Voluntariu Européu (SVE) mientres los próximos trés meses.

Van Tener llugar na Oficina de Mocedá asitiada na cai Fernando Moren nº 16 los siguientes díes a les 17:30 hores, depuñés que se celebrare la primera esti pasáu xueves 20 d’Ochobre  y van ser el xueves 17 de payares y el vienres 23 d’Avientu.

En toles sesiones va cuntar cola presencia de los voluntarios europeos n’Avilés y ex-voluntarios/as que participaron primeramente nel programa y que van compartir les sos esperiencies col públicu.

Serviciu Voluntariu Européu (SVE)

Esti programa lleva unviando y acoyendo voluntariáu nuevu al traviés del programa de Serviciu Voluntariu Européu (SVE) dende l’añu 2006. Dada l’alta demanda de mozos avilesinos/as pa informase sobre’l programa nos últimos años, “Europa Equí” entama sesiones informatives mensuales nel Serviciu de Mocedá pa dar a conocer los detalles d’esta iniciativa a les persones nueves comenenciudes.

El Serviciu Voluntariu Européu ye un programa d’educación non formal al traviés de la participación nuna actividá voluntaria nuna organización n’otru país. Los gastos d’agospiamientu, mantención, viaxe, seguro, dineru de bolsu y formación tán financiaos pol programa de la Comisión Europea “Erasmus +: Mocedá n’Acción”. El programa ta dirixíu a mozos ente 17 y 30 años y les estancies pueden durar de normal ente 2 y 12 meses. Los proyectos pueden tratar sobre tarrezas bien diversos como mocedá, infancia, tiempu llibre, mediu ambiente, arte y cultura, discapacidá, etc.

Pa más información ya inscripción previa pue dirixise tou interesáu a la Oficina de Movilidá Xuvenil Internacional per teléfonu (985561882) o per corréu electrónicu (europaquigmail.com).