“La mio primer novela”ye’l nuevu ciclu del club de llectura ‘Una Habitación Propia’

El club de llectura Una Habitación Propia”, entamáu pola conceyalía d’Igualdá, prepara un nuevu ciclu sol títulu “La mio primer novela” que yá causó interés en 83 muyeres. La primer sesión celebrose esti llunes 13 a les 17 hores na Casa de les Muyeres, sita en La Ferrería 27.

La conferencia inaugural corrió al cargu de la Doctora en Lliteratura estadounidense, Rocío Riestra Camacho, qu’afondó na obra Xunta de Natasha Brown. Esta autora británica cavilga sobro la so esperiencia de ser xuna muyer negra n’Inglaterra a pesar de ser esitosa, na so ópera prima.

Campos azules de Julia Soria ye la novela escoyida pa protagonizar la segunda sesión. Nella, la protagonista realiza un viaxe a los sos raigaños faciendo un alegatu a la escritura y la memoria. La tercer llectura va ser Los Eufemismos d’Ana Negri na que Clara, la protagonista d’esta hestoria, va tener que tomar una decisión de suma importancia pal so futuru, mientres la figura materna se desmorona. Remata esti ciclu la tinerfeña Andrea Abreu col so Banduyu de pollín, una hestoria dura pero real que toca temes tan diverses como l’amistá, l’espertar sexual, la homofobia, la gordofobia, los trestornos alimenticios, la inocencia y la violencia.

Rocío Riestra Camacho

Ye profesora nel Departamentu de Filoloxía inglesa, francesa y alemana de la Universidá d’Uviéu. Doctora en Lliteratura estadounidense dende una perspectiva de xéneru pola mesma institución. A tiempu parcial, estudia’l Grau en Psicoloxía pola UNED. Combina l’analís lliterariu col científicu, y desenvolvió y participa n’esperimentos de llectura al traviés de los estudios lliterarios cognitivos.

Una Habitación Propia empezó la so andadura en 2011 con Nada, de Carmen Laforet. Esta novela, ganadora del premiu Nadal, llanzó a Laforet al estrellalgu lliterariu, magar ser la so primer obra. Dolce años más tarde, el Club de Llectura feminista dedica un ciclu completu a autores qu’algamaron la reconocencia gracies a la so primer publicación.