La industria cultural pide ayuda a los Reis pa baxar l’IVA

El comité executivu de la Unión d’Asociaciones Empresariales de la Industria Cultural Española tresmitió esti martes a los Reis la so molición pol caltenimientu del IVA cultural nel 21% y pidió que-y os den tira. 

El Gobiernu de Mariano Rajoy, qu’en 2012 decidió alzar l’impuestu cultural del 8% al 21% dientro de les midíes p’amenorgar el déficit, resolvió siguir aplicando esi porcentaxe’l pasáu 23 d’agostu.
El comité pidió a los Reis que intercedan ante’l Gobiernu pa consiguir una rebaxa qu’incentive’l consumu de productos culturales. A la entrevista colos Reis, celebrada en palaciu de la Zarzuela, allegaronse cinco miembros del comité executivu de l’asociación, na que tán representaos distribuidores, productores de danza y teatru, sales d’exhibición cinematográfica, promotores musicales y técnicos del espectáculu.

La medría del IVA tien distintes aplicaciones nel sector cultural. Nel cine, la música en vivu, les artes escéniques y les obres d’arte, l’impuestu esperimentó una medría de 13 puntos, ente que nos llibros impresos permaneció nel 4%; y nes entraes a museos, esposiciones, biblioteques o arquivos amontar en dos puntos, del 8% al 10%.
Mientres la entrevista, los representantes d’esta plataforma, qu’arrexunta a 16 asociaciones y a 7.000 empreses con 150.000 puestos de trabayu directos, espunxeron a los Reis la comparancia del impuestu n’España y otros países europeos como Francia, onde’l teatru ta gravado con un 2,1% y el cine con un 5%. Los Reis, según esplicaron dellos participantes na audiencia, amosáronse bien receptivos cola idea d’amenorgar l’impuestu.