La era de los xigantes tecnolóxicos

Los Xigántes Tecnolóxicos, coles “Big Tech” (Apple, Microsoft, Amazon, Alphabet y Facebook) a la cabeza, yá supera enforma’l billón de dólares en capitalización bursátil. En 2005, la llista de les empreses más pervalibles del mundu que cotizaben en bolsa taba bastante diversificada, pero anguaño, cola esceición de Saudi Aramco  y Tesla son los xigantes tecnolóxicos los qu’acuten esa llista.

Hai más de quince años, la vida cotidiana yera bien distinta: los smartphones tal como los conocemos anguaño entá nun s’inventaren, Facebook acababa de fundase y ExxonMobil valía diez vegaes más qu’Apple. Más d’una década dempués, l’ascensu de los xigantes tecnolóxicos estadounidenses camudó radicalmente’l panorama.

Anguaño, caúna de les cinco empreses del grupu de les “Big Tech” (Apple, Microsoft, Amazon, Alphabet y Facebook) yá supera’l billón de dólares en capitalización bursátil. La primer firma n’algamar la marca del billón de dólares foi Apple, n’agostu de 2018, y dende entós dobló la so capitalización a 2,27 billones. La más recién n’entrar a esti selectu club foi Facebook, qu’algamó de volao l’estragal del billón de capitalización bursátil a principios d’esta selmana.

Como amuesa la siguiente infografía, en 2005, la llista de les empreses más pervalibles del mundu que cotizaben en bolsa taba bastante diversificada. Nella figuraben unes poques grandes empreses petroleres, pero tamién conglomeraos y empreses de la industria minorista comercial, farmacéutica y financiera. Pero anguaño, cola esceición de Saudi Aramco (petróleu/gas) y Tesla (automoción), son los xigantes tecnolóxicos estadounidenses y el so competidor chinu Tencent los qu’apoderen la clasificación.

Fuente: https://es.statista.com