La Embaxada d’España paga 1.000 euros a una australiana por lleer ‘El Quixote’

La Embaxada d’España va pagar a una australiana madre de cuatro hijo por lleer demientres tres selmanes “El Quixote,” nun actu pa conmemorar el 400 aniversariu de la muerte de Miguel de Cervantes.

Moira Christie foi escoyida ente 158 candidatos pa recibir una beca de 1.500 dólares locales denomada “Money to read” (Dineru pa lleer) escurrida pol colectivu español “Mmmm…”, creáu en 1998 y autor de dellos proyectos artísticos n’espacios urbanos. La iniciativa yá se fixo n’España pa celebrar el cuartu centenariu de la publicación de la primer parte de “El Quixote” y ye la primer vegada que se promueve nel estranxeru.

Según Espada, Christie foi escoyida “porque presentó de forma bien prestosa la manera qu’ella mesma se vía nel papel de llector y la manera cómo diba promocionar ‘El Quixote’ en Twitter o les redes sociales”. Dende la selmana pasada, Christie allega a la Biblioteca Nacional d’Australia, en Camberra, pa lleer en silenciu mientres cinco hores la emblemática obra de Cervantes y dempués graba un vídeu que publica YouTube nel que comenta lo lleío mientres la xornada.

Nos vídeos, Christie destaca la traducción fecha al inglés y los pies de páxina y asegura que s’identifica con “El Quixote” porque “ye un llector que se vuelve llocu poles sos fantasíes”. Na so cuenta de Twitter “Moira_Read”, l’australiana publica comentarios como “ye tan laaargo. Pero prométolos que les primeres 30 páxines son pura diversión” o bromia sobre l’erru que cometió al escribir el nome del personaxe de Cervantes n’inglés.