La Conseyería de Cultura prepara la edición de les actes de les “Xornaes de Baille y Danza Tradicional n’Asturies”

La Conseyería de Cultura va asoleyar próximamente les actes de les “Xornaes de Baille y Danza Tradicional n’Asturies”, celebraes n’abril del 2007 nel Muséu del Pueblu d’Asturies de Xixón. El rigor y l’amenidá d’aquelles sesiones, nes que participó un plantel d’especialistes de gran altor, va quedar agora perpetuao nestes actes qu’agora se publiquen y que aborden los más variaos aspectos alredor de la danza y el baille: la so función social, aspectos técnicos, metodoloxíes pa la so investigación, la so divulgación, etc.

El llibru, editáu en coedición cola editorial Trabe, va tar nes llibreríes d’Asturies a lo llargo de lo que queda de mes d’avientu.