La Confrería del Desarme yá tien un parque n’Uviéu

La Confrería del Desarme yá tien un parque n’Uviéu. La Corporación municipal, encabezada pol Alcalde, Wenceslao López, Rexidor d’Honor de la entidá, asistió esta selmana al descubrimientu de la placa, na zona de Santu Domingo, escenariu de delles guerres mientres les Guerres Carlistes. L’actu formó parte del VI Gran Capítulu de la Confrería, qu’empezó nel edificiu históricu de la Universidá col nomamientu de los Cofrades d’Honor.

Esta selmana pasada quedó inauguráu nun actu presidíu pol Alcalde, Wenceslao López, Rexidor d’Honor de la entidá, y el presidente de la Confrería, Miguel Ángel de Dios. Dambos fueron los encargaos d’afayar la placa del parque, asitiáu na zona interior de los edificios de les cais José López Muñiz, Postigo Baxu y Luis Muñiz. acompañáron-yos los Cofrades d’Honor 2018: El presidente de la Xunta de Galicia, Alberto Núñez Feijóo; la historiadora María Josefa Sanz Fuentes y el director d’Onda Cero n’Asturies, José María de Rato, amás de cofrades y cientos de representantes d’otres confreríes gastronómiques d’España y Asturies.

Esti actu foi unu de los  programaos nel VI Gran Capítulu de la Confrería, qu’empezó, nel edificiu históricu de la Universidá d’Uviéu col nomamientu de los  Cofrades d’Honor 2018. En recibiendo la Cuyar d’honor, un diploma y el medallón cofrade, la comitiva, encabezada pela Real Banda de Gaites Ciudad d’Uviéu dirixióse a cuerpu hasta la zona de Santu Domingo, qu’a partir de güei lleva’l nome de Parque del Desarme (19 de octubre fiesta gastronómica) y terminó, como nun podía ser d’otra forma, tastiando’l Desarme, un menú con casi dos años de tradición n’Uviéu y venceyáu a les Guerres Carlistes.

L’Alcalde analizó, mientres el discursu inaugural, “el significáu de la palabra desarme, que ye quitar d’enriba los preseos d’agresión”. Asina, aseguró’l primera edil, “los cuyarones que porten los cofrades del Desarme representen la paz. Uviéu ye muncho más qu’un espaciu xeográficu. Una ciudá ye fundamentalmente les sos xentes y nós somos un exemplu de pueblu abiertu, de xente a la que gusta compartir y comer, tar n’una mesa…vivir”.