La Ciudá Europea del Deporte 2016 desvela la so imaxe

La empresa asturiana Neozink, ganadora del concursu d’idees de diseñu de la marca Xixón Ciudá Europea del Deporte 2016 ente ocho propuestes presentaes porpón nuna astracción de los 5 elementos olímpicos, esencia del multideporte global.

L’actu de presentación de la propuesta ganadora tuvo presidíu por Jesús Martínez Salvador, conceyala de Deportes del Conceyu de Xixón, quien tuvo acompañáu por Pedrete Rodríguez, director creativu executivu de Neozink, empresa ganadora, quien esplicó al traviés d’un vídeu cómo desenvolvieron la idea del logo pa finalmente decubrir un cartelu cola imaxe ganadora. Dambos cuntaron cola presencia de Santiago Martínez, director de desenvolvimientu corporativu de Neozink y d’Agustín  Antuña, miembru de l’Academia Olímpica Española y miembru del xuráu

El pasáu vienres 11 de setiembre recibióse comunicación oficial de ACES Europe onde s’otorga a Xixón el galardón de Ciudá Europea del Deporte. El premiu, compartíu’l próximu añu con otros quince ciudaes europees, va recoyer na gala que se va celebrar esti 18 de noviembre nel Parlamentu Européu de Bruxeles. Los galardones de Capital, Ciudá, Comunidá y Villa Europea del Deporte son apurríos añalmente dende 2001 por ACES Europe, entidá privada ensin ánimu d’arriquecimientu con see en Bruxeles y con llazos col Parlamentu Européu.

El proyectu deportivu de ciudá presentáu pol Conceyu de Xixón al traviés del so Patronatu Deportivu Municipal ta respondíu por por 340 entidaes deportives y aspira a llograr el títulu de Meyor Ciudá Europea del Deporte del próximu añu. Tratase d’un proyectu onde’l deporte ye un elementu d’integración social y educativu amás de promover valores tales como’l respetu, la tolerancia, la deportividá y l’integración, un derechu fundamental de la ciudadanía.