L’Asociación Xareos! rellanza’l “Proyeutu Cartelos” con más de doscientes semeyes

Xareos! tien en marcha otra vegada’l conocíu como ‘Proyeutu Cartelos’, que quier recoyer tola cartelería fixa o móvil qu’esist, nes cais, comercios y establecimientos públicos de tol dominiu llingüísticu astur.

Hasta agora tán axuntaes más de doscientes semeyes y la páxina medra día a día con nuevos conteníos ordenaos por categoríes. A la web pue accedese dende un enllaz na páxina de Xareos!, www.xareos.com Los responsables conviden a participar al traviés de la dirección de corréu xareos@xareos.com