L’Arribada centra la xornada de güei na bloguesfera asturiana, cola presencia de Próspero Morán

L’Arribada va abrir la xornada de güei cola presentación del llibru “Dos visiones asturianes de les nueves tecnoloxíes, de Xabiel García Pañeda y Rubén Sánchez Antuña. L’actu va ser a les cinco la tarde y media hora dempués esti últimu va dar la comunicación “L’asturianu na web 2.0”. A les 18.15 Próspero Morán, director d’Asturnews, profesor de la Universidá de Valladolid y espertu en web 2.0 va participar na mesa sobre la bloguesfera n’asturianu que va contar con dellos modelos de blogues del país.

Van participar, amás de Morán, responsables de La esfoyaza (Ricardo Candás), Dende’l tueru (Iris Díaz Trancho) , In Taberna Quando Sumus (Xandru Fernández), Trayasgaya ( Xulio Nel Fueyo), Arribada, vagamar lliteraria en Xixón (Humberto Gonzali), La Compaña del Ronchel (Lluis Portal Hevia), La casa vieya (Pablo Texón), asina como de Canal blogues .

A les siete la tarde va poder vese la película “El mundu perdíu”, del añu 1925, sotitulada n’asturianu.

La xornada piésllenla los componentes del dúu Mestura, que vuelven a l’Arribada pa presentar el so discu “Poemes de carambelu”.