Portada Lliteratura José Luis Olaizola presenta na Fnac un don Pelayo desmitificáu

José Luis Olaizola presenta na Fnac un don Pelayo desmitificáu

by asturnet

L’escritor y premiu Planeta nel añu 1983, Jose Luis Olaizola, presenta esti martes, día 6 de xunu, a les ocho la tarde, nel Fórum de la Fnac Parque Principado, el so últimu llibru sobre l’heroe de la reconquista editáu por Temas de Hoy. “Don Pelayo” busca la faceta más humana del mitu, del que’l so autor asegura que “fue un perdedor al que la vida nun trató mui bien”.

Alredol d’una historia d’amor que propició la reconquista más angitua de la hestoria del nuestru país, Olaizola retrata de la manera más humana la figura de don Pelayo, un heroe, en palabres del autor, “que nun llegó a ser Rei nin a casase cola muyer qu’amaba”.

Capaz de les mayores xestes y de les piores derrotes, don Pelayo deseaba l’amor d’una muyer llamada Egilona. Al travies d’esta hestoria de desamor, Olaizola desmonta la creencia de que don Pelayo fuere un “iconu de la cristiandá”, asegurando que “yera un cristianu discretu que se llevó bien colos árabes”. Olaizola achaca precisamente la so desapartación col Islam al despechu de que’l valí de Córdoba casare cola so amada Egilona, perdiendo Pelayo les posibilidaes de consumar el so amor.

Don Pelayo presentase como una obra amena y llena d’anecdotes, que non por ello dexa de tar bien documentada dende un puntu de vista historicista. Olaizola siguió los testos del espertu Claudio Sánchez Albornoz, asina como los relatos del conde Clonard o los llibros sobre los visigodos de Juan Antonio Cebrián y d’Orlandis.

Tamién te podria gustar