Portada Patrimoniu IX lleva a la Xunta la situación del Castru de Chao Samartín

IX lleva a la Xunta la situación del Castru de Chao Samartín

by asturnet

El grupu parlamentariu d’IX na Xunta Xeneral va llevar esta selmana dos asuntos bien estremaos al plenu. Na sesión del xueves la diputada Emilia Vázquez va apelar a la Conseyera d’Educación y Cultura sobre la situación del Castru de Chao Samartín, en Grandas de Salime, suxetu a distintos polémiques y pa conocer cómo s’atopa esti importante elementu del patrimoniu cultural asturianu.

Na sesión del vienres, va ser el diputáu Luis Álvarez Payo’l que defenda una moción subsiguiente a interpelación sobre’l cumplimientu del pliegu de condiciones na axudicación del Hotel de la Reconquista a la empresa HOTUSA.

La propuesta d’IX encamienta al Conseyu de Gobiernu, na so calidá d’accionista mayoritariu de la empresa titular del Hotel de la Reconquista a que desenvuelva toles acciones necesaries pa la realmisión inmediata de tolos trabayadores del citáu hotel que fueron despidíos dende l’axudicación del contratu de xestión integral del mesmu, a la revocación de toles decisiones adoptaes qu’implicaron cambeos nes sos condiciones llaborales, manifestando pública y espresamente el sofitu a los mesmos. El segundu puntu d’esta iniciativa esixe al Conseyu de Gobiernu que faiga cumplir a l’axudicataria toles clausules del contratu de xestión integral del Hotel de la Reconquista suscritu nel so día y realice un siguimientu rigorosu y siguío del mesmu.

Tamién te podria gustar