Portada Comunicación Iniciativa denuncia la desapaición del asturianu del stand de la Universidá na FIDMA

Iniciativa denuncia la desapaición del asturianu del stand de la Universidá na FIDMA

by redacción asturnews

Iniciativa pol Asturianu vieno acabante denunciar la desapaición de la llingua asturiana del stand de la Universidá d’Uviéu na FIDMA.  La organización valora la presencia del idioma nel pabellón del Gobiernu d’Asturies y nos stands de los conceyos de Mieres, Llangréu y Xixón, asina como notres empreses presentes nel certame.

Stand na FIDMA 2021 d'Uniovi

Stand na FIDMA 2021 d’Uniovi

Como tolos años, Iniciativa pol Asturianu ta presente col so espaciu d’empreses pol asturianu na Feria de Muestres de Xixón. Esta presencia permite amás facer una valoración directa de la presencia de la llingua asturiana nos diferentes espacios d’esti alcuentru empresarial ya institucional.

Nesi sen, la entidá valora tolos años la presencia del idioma nel pabellón del Gobiernu d’Asturies qu’esti añu lleva’l títulu “Asturies, Camín al andar” y fae un repás al Xacobéu utilizando la llingua asturiana y la entidá quier tamién reconocer l’usu del idioma nos stands de los conceyos de Mieres, Llangréu y Xixón. Ye importante ver como s’afita esi usu del asturianu nestos espacios.

Stand na FIDMA 2021 d'Uniovi

Stand na FIDMA 2021 d’Uniovi

Pero nuna nota de prensa asoleyada esti día,  Iniciativa pol Asturianu denuncia la desapaición de la llingua asturiana nel stand de la Universidá d’Uviéu.

Dempués de varios años de presencia del idioma nel espaciu de la Universidá d’Uviéu n’Iniciativa pol asturianu camienten que “resulta incomprensible ver pasos atrás na normalización social del asturianu. L’espaciu de la Universidá d’Uviéu llevaba varios años cuntando cola denominación de la institución n’asturianu y yera un tema normalizáu y afitáu”.

Dende Iniciativa pol Asturianu fain “una invitación a los y les responsables de la institución académica y ufiertense pa facer un asesoramientu sobre la presencia del asturianu en campañes, publicaciones y trabayos como’l de la FIDMA pa qu’estes situaciones nun vuelvan a ocurrir y que l’asturianu tea al mesmu nivel que’l castellán”.

Tamién te podria gustar