Gozón celebra la nueche d’animes con Amagüestu

Col envís de recuperar parte del nuestru patrimoniu cultural, el Conceyu de Gozón, en collaboración cola ciudadanía, va desarrollar un refileru actividaes al rodiu d’esti momentu cultural tan significativu.Les actividaes que convoca’l conceyu gozoniegu ye’l primer  Certame de Calabaces “Nueche de Difuntos”, organizáu pol Ayuntamientu, y la segunda edición del Amagüestu popular, que convoca l’Asociación Xuvenil Peñes.

Tamién se convida a toles persones interesaes a mandar recetes tradicionales nuestres, que tean ellaboraes con esti productu de la güerta, al corréu del Serviciu de Normalización Llingüística de la Mancomunidá d’El Cabu Peñes y si dalgún establecimientu hosteleru del conceyu tuviere interesáu en collaborar con esta actividá, podría facelo ufiertando pa esti próximu fin de selmana del vienres 30 al llunes 1 un menú fechu con esti frutu de la nuestra tierra.

Pa más información pue consultase’l facebook del Serviciu de Normalización Llingüística de la Mancomunidá d’El Cabu Peñes y la páxina web del Conceyu Gozón.