Portada Conceyos Gonzalo González Barreñada gana’l Premiu Teodoro Cuesta de Poesía

Gonzalo González Barreñada gana’l Premiu Teodoro Cuesta de Poesía

by redacción asturnews

Col entamar d’esti mes d’avientu fallase’l Premiu Teodoro Cuesta de Poesía, qu’esti añu vieno a parar al poemariu “Cartes al treslluz” que tres d’abrir les pliques resultó ser la obra presentada por Gonzalo González Barreñada.

Reuníu’l Xuráu na Casa de Cultura de Mieres el día 2 d’avientu a les 18:00 h, del XXXI Premiu Teodoro Cuesta de Poesía, integráu por Pilar Fidalgo Pravia, Montserrat Garnacho Escayo, Milio Ureta Soto(como ganaor de la última edición del Premiu), Pablo Rodríguez Medina (pela parte de l’Academia de la Lingua Asturiana) y Esther Prieto Alonso (pela parte d’Ediciones Trabe); actuando como presidenta del xuráu Ana Belén Alonso (como Conceyala d’Educación y Normalización Llingüística del Conceyu de Mieres) y secretaria Luisa Suárez Sáez(como técnica de normalización del conceyu de Mieres)

Presentaos al Premiu 12 poemarios, el Xuráu decide por mayoría, conceder el XXXI Premiu Teodoro Cuesta de Poesía al poemariu tituláu:

“Cartes al treslluz”

Presentáu baxu’l seudónimu : Lord Holland

Abierta la plica correspondiente resultó ser el so autor Gonzalo González Barreñada, Lo que ratifica la secretaria y roblen los miembros del Xuráu a les 18 h 30m del 2 d’avientu de 2022.

CURRÍCULU:

Licenciáu en Xeografia e Hestoria (Universidá d’Uviéu)
Obra espublizada:

2015: Dos cuentos na revista Campu de los Patos númb. doble 5-6
2016: Biografíes. Saltadera.
2017: El cuadernu bermeyu na revista Campu de los Patos númb. 7
2018: La casa de Xuan Buelga. Saltadera.
2018: Hestories de Burgundu. Saltadera.
2019: El pesu de la lluz. Saltadera.
2020: El Ilar n’orde. Ediciones Trabe. / Premiu Xuan María Acebal de Poesía del añu 2019 y Premiu de la Crítica de ‘Asociación d’Escritores
d’Asturies
2021: La hestoria ensin contar. Ediciones Trabe.

Esti premiu ye convocáu pol Conceyu Mieres, al través de la Conceyalía de Normalización
Llingüística que dirixe Belén Alonso. Trátase del galardón más prestixosu de la poesía n’asturianu, que ta dotáu d’un únicu premiu de 4.000 euros, demás de contemplar la posibilidá de promover la publicación del poemariu.

Tamién te podria gustar