Gascona acueye esti domingu 24 la 17 Preba de la sidra

El conceyal de Turismu, Rubén Rosón presentó esta selmana la 17 Preba de la Sidra de Gascona que se va celebrar el domingu, día 24, a partir de les 12 de la mañana nel Bulevar de la Sidra, y na que, tal que adelantró’l conceyal, “van participar 19 llagares”: Buznego, Castañón, Cortina, El Gobernador, Fonciello, Foncueva, Herminio, JR, L’Argayón, La Llarada, Menéndez, Muñiz, Orizón, Raspia, Trabanco, Vallina, Vigón, Vilba de Angelón y Vilba de Corsino.

Esta cita, a xuiciu de Rosón, “amuesa l’enraigono y l’importancia d’unu de los nuesos grandes productos, la sidra y la mazana son referentes p’Asturies y p’Uviéu”. Acompañáu de Francisco Colunga, presidente de l’Asociación de Sidreríes de la cai Gascona, el conceyal de Turismu adelantró que “el pregón d’apertura de la Preba va tar al cargu de Rodrigo Cueves, conocíu cantante y show-man”.

Como n’ediciones anteriores, especificó Colunga, “va haber una cata popular na que’l públicu asistente va poder mercar por trés euros, un pañuelu, un vasu y una fueya de votación na que va apuntar les sos votaciones”. Tampoco va faltar nesta edición “una cata oficial empuesta por Luis Estrada y un xuráu d’espertos compuestu por Maximino Villarrica, Gumersindo Martínez, Joaquín Cernuda, Severino Cueva y Agustín Rodríguez. Ellos van escoyer la sidra ganador na categoría oficial”. Los premios, señaló Colunga, “van dar a conocer en redol a los trés de la tarde”.