Gamoneda gana’l Reina Sofía de Poesía Iberoamericana

Antonio Gamoneda (Uvieu, 1931) algamó ayeri un reconocimientu a tola so trayectoria poetica al facese cola XV edición del premiu Reina Sofía de Poesía Iberoamericana, a la qu’optaben más de 71 candidatures. El xuráu, del que formaben parte’l premiu Nobel de Lliteratura Jose Saramago y l’arxentín Juan Gelman, estimó ‘la poderosa obra y fonda buelga etica’ del escritor asturianu.

Consideráu el Cervantes de la poesía, esti premiu tien reconocío a otros autores como Gonzalo Rojas, Jose Hierro, Álvaro Mutis, Claudio Rodríguez, Pere Gimferrer, Nicanor Parra, Jose Manuel Caballero Bonald o la única muyer na llista, la portuguesa Sophia di Mello.