Fina la fase de propuestes de los Presupuestos Participativos d’Uviéu

La Fase d’Información y Propuestes de los Presupuestos Participativos d’Uviéu empón la so recta final esta selmana pa finar el llunes que vien col plazu de presentación de propuestes.

L’Área de Participación Ciudadana del Conceyu d’Uviéu lleva recoyendo, dende’l pasáu 10 d’abril, les propuestes de los ciudadanos uvieinos para ameyorar la ciudá de mancomún, plazu que ta a puntu de pasar el so ecuador y entrar na recta final. El Conceyu d’Uviéu recuerda a tolos sos habitantes qu’inda tienen la oportunidá de collaborar hasta’l día 30 d’abril.

Puen participar nel procesu y presentar les sos propuestes, pales que se van destinar un total d’un millón y mediu d’euros, tolos ciudadanos y ciudadanes empadronaos nel conceyu que sían mayores de 16 años. El trámite realízase al traviés de la páxina web www.consultaoviedo.es o presencialmente nos puntos habilitaos con esi envís por tol conceyu hasta’l próximu 30 d’abril.

Una vegada rematada esta primer Fase d’Información y Propuestes, va empezar la siguiente fase prevista nos Presupuestos Participativos 2019: la Fase de Sofitos a les propuestes.