Feminismu y legáu de mayu del 68 protagonicen una esposición

El Centru de Cultura Antiguu Institutu va desenvolver dende’l llunes 15 al martes 25 d’ochobre una esposición sobro Feminismu y legáu de mayu del 68 que va completse el llunes 29 y martes 30 d’ochobre con unes xornaes d’estudiu.

El Fórum de Política Feminista d’Asturies, col sofitu de la Oficina de Polítiques d’Igualdá del Conceyu de Xixón, entama diverses actividaes en redol a mayu del 68 y al so legáu pal desenvolvimientu de la teoría y del movimientu feminista. El programa inclúi una esposición de cartelos, una conferencia y talleres de trabayu, y constitúi la tercer edición de los alcuentros promovidos pol Fórum para reivindicar el feminismu y la so contribución a la trasformación social.

El Centru de Cultura Antiguu Institutu acueye estes actividaes: del llunes 17 al martes 25 d’ochobre (esposición) y del Llunes 29 y martes 30 d’ochobre (xornaes)

La esposición pue visitase de llunes a vienres de 9.00 a 21.30 h; sábados de 10.00 a 14.00 y de 16.00 a 21.00 h; y domingos y festivos de 10.00 a 14.00 hores. Y les Xornaes van desenvolvese los dos díes dende les 19.00 hores.