Portada Sociedá España ye’l décimu meyor país del mundu en ciencia

España ye’l décimu meyor país del mundu en ciencia

by asturnet

España ye’l décimu meyor país del mundu en ciencia, según un nuevu ranking que publicaba esti día la revista Scientific American, tres d’un estudiu qu’escoyó los 25 meyores países del mundu n’investigación basándose en cuestiones como’l númberu d’estudios científicos publicaos nes meyores revistes del mundu, la cantidá de patentes rexistraes per cada país, el so gastu total n’I+D+i y la cantidá de doctores que xenera nun añu.

Con USA nel primer llugar del ranking, amuesase la meyora de la mayoría de los países asiáticos como Corea del Sur o China, que superen a potencies científiques consagraes como Xapón en delles categoríes.

Polo que cinc a a España, esi décimu puestu mundial tantu en publicaciones científiques como en gastu total n’I+D+i, según datos de 2011 y 2009, respectivamente, nun contempla que dende 2009 los gobiernos de José Luis Rodríguez Zapatero y Mariano Rajoy retayaron un 33% el presupuestu pa I+D+i.

Ye enforma significativo que na categoría de númberu de patentes concedíes, el país esbarrumbase hasta’l puestu 23. Los datos tamién amuesen qu’España ye unu de los países que más investigadores formaos produz, ocupando’l númberu nueve en cantidá de doctoraos en 2009, añu analizáu nesta categoría.

Materia.

Noticia en Materia

Tamién te podria gustar