Portada Lliteratura Elizabeth Felgueroso gana l’Art-Nalón de rellatu curtiu con ‘Llobu namoráu’

Elizabeth Felgueroso gana l’Art-Nalón de rellatu curtiu con ‘Llobu namoráu’

by asturnet

Redacción.

La escritora moza Elizabeth Felgueroso algamó estos díes el premiu Art-Nalón de rellatu curtiu n’asturianu pol cuentu ‘Llobu namoráu’. Al prestixosu concursu presentáronse 11 cuentos na categoría d’asturianu y 295 na de castellán, na que ganó Jose Ruiz Rubio.

Elizabeth Felgueroso López ñació en Llangreu nel 1980 y ye estudiante de Filoloxía Hispánica na Universidá d’Uvieu. Escribe narrativa y poesía, lo mesmo n’asturianu qu’en castellán. Pertenez al Coleutivu Les Filanderes y preside’l Foru pola Poesía. Collaboradora de revistes como Formientu, Ábaco o del diariu La Nueva España.

Amás d’esti, ganó premios lliterarios polos sos rellatos, como’l «Manuel Nevado Madrid» de microrrellatos. Apaez en delles antoloxíes y participa de la tertulia lliteraria Poegía de Xixón. Tien dellos poemarios ineditos y participó de numeroses llectures de lliteratura a lo llargo de los últimos años.

Tamién te podria gustar