El XVII Seminariu de la Fundación Belenos avérase a la viesca

Col títulu de ‘Asturies: la viesca habitada’ La Puela va acoyer una edición nueva del Seminariu d’Estudios de la Fundación Belenos esta fin de selmana, los díes 19 y 20 de payares.

Un programa de cinco conferencies va permitir aldericar sobre la importancia de los árboles na nuesa sociedá y  sobre los productos que se pueden sacar de la madera. L’actividá va entamar esti sábadu a les 10 hores cola inauguración oficial pol alcalde, José Antonio Mesa y la conferencia del naturalista Ignacio Abella ‘L’árbol y la viesca na sociedá tradicional’, a la que va siguir la doctoranda de la Universidá d’Uviéu Maider Fernández Zúñiga, que va falar de ‘Les madreñes: decoración tradicional y el so posible significáu’.

Enantes de la xinta, los ‘Cachapos: una güeyada hestórica, xeográfica y tipolóxica’, va ser la tema al cargu d’Alfonso Fernández Canteli, profesor eméritu de la Universidá d’Uviéu. y tres d’ella, a les 17 hores, l’etnógrafu y miembru de la Fundación Belenos, va falar de ‘L’ánima de la viesca: mitos y llendes’.

La intervención cabera del seminariu va ser a les 18 hores al cargu delinxenieru de Montes Adolfo Blanco, que va falar de ‘Viesques y xestión forestal n’Asturies: una visión integral y propuestes de futuru’.