El Xardín Botánicu de Xixón cumple so XV Aniversariu

Esti domingo 22 d’abril l’accesu sedrá gratuitu al Botánicu de Xixón para celebrar el cumpleaños d’esti nuevu Xardín, con un programa d’actividaes que va incluyir ente otres coses visites guiaes, un mercadín solidariu de tulipanes y la presentación del llibru El Mesíes de les plantes del asturianu Carlos Madalena.

El Botánicu va donar numberosos tulipanes a l’Asociación de Parkinson Xovellanos  y por mor d’ello, esti día y cola fin de recaldar fondos pa la mesma Asociación, los visitantes del Xardín van poer llevase un guapu ramu d’estes flores en cuenta d’un donativu de 6 euros. Cabo destacar que’l tulipán coloráu ye utilizáu como símbolu poles asociaciones d’enfermos de Parkinson, desque’l doctor James Parkinson describiera en 1817 esta enfermedá, en detectando estraños temblones nes manos del so xardineru que-y torgaben curiar de forma afecha los tulipanes del xardín.

VISITES GUIAES TEMÁTIQUES 10 hores (Redolada Cantábrica), 12 hores (Itinerario Atlánticu) y 16 hores (Ruta de los Montes Naturales)

Percorríos que brinden una mayor comprensión de delles de les Árees temátiques del Botánicu, dende los variaos puntos de vista que nos ufierta la hestoria, la xeografía, la ecoloxía o’l paisaxismu, averándonos más que nunca a la ciencia botánica, tan antigua como sorprendente.
• Imprescindible inscripción previa nel T. 985 185 130. Aforu llindáu.
• Duración de les visites: 2 hores aprox.

PRESENTACIÓN DEL LLIBRU ”El Mesíes de les plantes”, de Carlos Madalena. 12 hores

Almuerzo-alcuentru col autor, que nos esbillar les moliciones que lu llevaron a escribir esti relatu, onde desvela tolos sos secretos sobro botánica y somórguianos nos sos viaxes y aventures pel mundu en busca d’especies en peligru d’estinción, al empar que nos arima de la so desaforada pasión pola naturaleza. Imprescindible inscripción previa na Taquilla del Botánicu y nel T. 985 185 130

CONCIERTU Green River Blues Band 13.30 hores.

Green River Blues Band empezó la so andadura nel añu 2008. Diez años dempués consolidáronse como formación musical col so estilu Blues – Rock, qu’inclúi temes propies al pie de versiones d’Albert Collins, Eric Clapton, John Fogerty (Creedence), y John Mayall, ente otros. Integrar: Eduardo Gonzalez Vega (Guitarra y Voz), Vidal Antón Pérez (Baxu y Coros), Andrés Villa García (Batería y Coros) y Ricardo Jensen Aparicio (Guitarra y Coros).

GYMKANA FAMILIAR. A partir de les 16.30 hores una espedición botánica en familia, en forma de risondera competición, va treslladanos al mundu d’aventures de Carlos Madalena, p’afayar nel nuesu viaxe pol Botánicu numberosos intereses del sorprendente mundu vexetal, conocer delles plantes procedentes de llugares remotos y otres que cuerren el riesgu de de sumir.