El V Congresu de Dialectólogos y Xeollingüistes de Portugal da-y reconocencia internacional a la llingua asturiana

El V Congresu de Dialectólogos y Xeollingüistes aconceyáu na Universidade do Miño, na ciudá portuguesa de Braga, axuntó a casi un cientu d’especialistes de 26 países ente los díes 4 y 8 de setiembre. Ellí, el profesor García Arias, ex Presidente de l’Academia de la Llingua Asturiana, espunxo nunca conferencia multitudinaria’l desarrollu del tema ‘De la dialectoloxía a la llingua nel dominiu llingüísticu ástur’.

El resultáu del interes que llevanta la recuperación del asturianu alvirtióse nesti Congresu Internacional nel fechu de que la llingua asturiana tuviere presente nun llugar d’honor, al acutase una de les xuntes plenaries del Congresu al desarrollu del tema «De la dialectología a la lengua en el dominio lingüístico ástur», conferencia pronunciada pol profesor García Arias, ex-Presidente de l’Academia de la Llingua Asturiana. La conferencia
celebróse’l día 5 de setiembre, con muncha asistencia de públicu.

Tamien el mirandes foi oxetu d’atención gracies a la participación del Dr. Antonio Bárbolo Alves, que-y dedicó un importante espaciu n’otra xunta plenaria del día 6.