EL TFG ya se pue presentar n’Asturianu na Universidá d’Uviéu

El Conseyu de Gobiernu aprobó la selmana pasada’l Reglamentu de Trabayos Fin de Grau (TFG) de la Universidá d’Uviéu que por fin va permitir presentar esti trabayu académicu en llingua asturiana.

El Conseyu de Gobiernu aprobó la selmana pasada’l Reglamentu de Trabayos Fin de Grau (TFG) de la Universidá d’Uviéu, unificando criterios y procedimientos qu’aseguren la homoxeneidá na organización y evaluación per parte de los centros d’esta asignatura obligatoria, que tien de cursase nos planes d’estudios conducentes a les titulaciones oficiales de grau.

El reglamentu ufierta a les y los estudiantes la posibilidá de llectura y defensa de los TFG n’otres llingües distintes al español; enllanta nueves ferramientes telemátiques que faciliten la xestión de los TFG y establezan un procedimientu pal so caltenimientu, arquivu y caltenimientu; y dota a los centros d’una mayor flexibilidá nel procedimientu a siguir pa la asignación de les temes, composición de tribunales y defensa.

Amás, el reglamentu facilita a les y los estudiantes la defensa del TFG a distancia, de forma virtual, siempres que tuviera xustificada y allegaren les condiciones que la dexen; y clarifica el procedimientu a siguir pal espardimientu n’abiertu de los trabayos defendíos poles y los estudiantes, garantizando la so protección intelectual.