El Súmmum tien un númberu nuevu nos sos puntos habituales de distribución

El Súmmum, la revista cultural y de tendencies d’Ámbitu, ta acabante sacar a la cai’l so númberu 27, el segundu dende qu’estrenara un formatu nuevu. La revista pue descargase completa dende la páxina de la editorial publicadora d’esta revista billingüe.

Esti nuevu númberu d’El Súmmum cunta con entrevistes al escritor y críticu lliterariu Vicente Luis Mora, el cineasta José Luis Guerin y el músicu Xabel Vegas, y tamién inclúi testos de creación de Cristina Grande, Agustín Fernández Mallo y Fernando Beltrán. Esti nuevu númberu, qu’ilustra la so portada con una foto de Carlos Quintana, complétase con artículos de Jesús Ordovás, Miguel Cane, Susana Carro Fernández, Rafael Rodríguez Valdés, Juan Carlos Gea y Chus Fernández, ente otros.