El stand d’Uviéu na FIDMA recibe la visita institucional del Gobiernu del Principáu

L’alcaldesa en funciones, Ana Rivas -que recibió al Xefe del Executivu rexonal, Javier Fernández, al pie de los conceyales, Rubén Rosón, Ricardo Fernández ya Iván Álvarez-  destacó en Xixón que la idea del stand de la capital ye “’embruxar’ a la xente que nos visite por que tamién vean esi otru Uviéu verde, que ta más allá del centru”.

El stand d’Uviéu na Feria Internacional d’Amueses d’Asturies (FIDMA), asitiáu nel primer pisu del pabellón númberu trés, recibió esti día la visita institucional del Gobiernu del Principáu. Encabezada pol Presidente asturianu, Javier Fernández, la comitiva foi recibida pola alcaldesa en funciones del Conceyu d’Uviéu, Ana Rivas, y tamién polos conceyales Rubén Rosón, Ricardo Fernández ya Iván Álvarez.

Ana Rivas comentó col Xefe del Executivu asturianu’l conteníu de l’amuesa “Uviéu Embruxa”, un percorríu que dexa al visitante conocer esta ciudá centrípeta, capital alministrativa y oficial que mira pa les cais del centru y refléxase na Catedral  tamién esa otra Uviéu, xuna ciudá verde que puede atopase a cinco o diez minutos de la cai Uría, nos barrios populares y pueblos del conceyu.

La comitiva percorrió’l stand, plantegáu en cinco exes de conteníos: Uviéu Verde (xuna nueva mirada al Naranco); Uviéu Históricu (xuna perspectiva dende’l sieglu XXI); Uviéu rural (un patrimoniu a conocer); Uviéu en fiestes (recuperación de los festexos populares) y Uviéu participativu (Imaxina un bulevar).