El Rastru de Xixón reinicia la so actividá esti domingu 14 de xunu

El Conceyu de Xixón vieno acabante autorizar el reiniciu de l’actividá del rastru’l próximu domingu 14 de xunu, n’aceptando los y les vendedoresla propuesta del Consistoriu pa volver a entamar l’actividá.

La conceyala de Participación Ciudadana, Mercaos y Consumu, Salomé Díaz Toral caltuvo esti martes una xunta con vendedores a quien treslladó la propuesta de reapertura del Conceyu, una vegada qu’éstos yá manifestaren el so interés por non retomar l’actividá hasta que la comunidá autónoma nun pasara a la fase 3.

La propuesta del Conceyu de Xixón parte de la habilitación del aparcamientu allugáu ente l’alamea de Manuel Preciado y l’avenida d’Enrique Castro ‘Quini’ pa garantizar, d’esta forma, que puedan instalase el cien per cien de los puestos que davezu participen cada domingu nel rastru.

Acordies con la distribución realizada pol Serviciu de Mercaos y Consumu, los puestos d’alimentación, los d’artículos nuevos y los de numismática y filatelia, van instalar nel aparcamientu asitiáu detrás del Palaciu de Los Deportes de La Guía, localización habitual, ente que los puestos d’artículos usaos, van instalar nel nuevu espaciu habilitáu nel aparcamientu enantes citáu.