El primer horru patrón d’Asturies ye la panera del Parque d’Inviernu n’Uviéu

La panera de la casona de montaña, del Parque d’Inviernu n’Uvieu. ye’l prototipu d’horru según los investigadores de la rede asturiana d’Hórreos y paneres. Esti horru patrón ye’l primeru que tipifique n’Asturies los directores d’esti proyectu, qu’agora van proceder a midir y catalogalu pa futuros estudios. La distinción tuvu llugar ayeri nun actu nel que partciparen el director del proyectu, Xose Nel Navarro y el Conceyal de Cultura d’Uvieu, Jose Suárez Arias-Cachero.

Xose Nel Navarro tamien quiso denunciar la situación llaceriosa, con una perda d’un al día, na que tan gran parte de los horreos de la rexón. Navarro tamien punxo enriba la mesa la idega de crear un espaciu pa conservar, desmontaos por pieces, los horreos que tean en peligru de desapaición. El conceyal de cultura de la capital, pela so parte, dio’l vistu buenu a esta iniciativa y tiro-y el guante a la Dirección Xeneral de Patrimoniu del Principáu pa que tenga en cuenta’l proyectu.