El Premiu Nobel escaez otru añu a les muyeres

Esta selmana pasada apurriéronse los premios Nobel de Fisioloxía o Medicina, de Física, de Química y de Lliteratura y toos ellos tienen daqué de mancomún: una edición más, los que se llevaron el galardón a casa nun fueron muyeres.

D’esta miente, como amuesa esta infografía de Statista, de los 911 reconocencies concedíes de 1901 a 2016, solo 49 (esto ye, un 5,4%) fueron a parar a investigadores o figures relevantes de xéneru femenín. Nel casu del Nobel d’Economía, qu’empezó a ser apurríu en 1969, esta cifra amenorgase a unu. El llunes anunciaron los ganadores d’esti campu de 2017 y la situación nun camudó un res.