El Monasteriu de Bedón acueye esti domingu la presentación del volume XI de Bedoniana

Esti domingo día 23, a las ocho la tarde, va tener llugar nel Monasteriu de San Antolín de Bedón (Llanes) la presentación de “Bedoniana. Anuario de San Antolín y Naves”, del qu’esti año apaez el so volumen númberu 11, y que constitúi yá un acto imprescindible nel branu de la comarca.

Nesti actu presentación intervendrá un representante del Bandu de San Antolín (Naves, Llanes), asina como Juan Carlos Villaverde Amieva, profesor de la Universidá de’Uviéu y editor de la publicación, y Javier Barón Thaidigsmann, profesor de la Universidá y responsable de pintura del sieglu XIX del Muséu del Prado (Madrid).

Como nes ediciones anteriores, el volume, editáu con munchu procuru, ufre una mestura d’artículos, ensayos y testos sobre xeografía, historia, tradiciones, cróniques, personaxes, fiestes, documentos, etc., de la fiesta de San Antolín, el llugar de Bedón y el pueblu de Naves, que se completa con un álbum de fotos sobre la emigración a América.

darréu del actu, como ye vezu, va haber una espicha pal públicu asistente.