El II Maratón Fotográficu ‘Ciudá d’Uviéu’ celebrase esti sábadu

Uviéu va acoyer esti sábadu 12,  el II Maratón Fotográficu ‘Ciudá d’Uviéu’, entamáu pola asociación Comercios y Servicios d’Uviéu (CYSO) y Éxodos y que cunta cola collaboración del Conceyu d’Uviéu.

La cita va ser a les 14 hores nel Archivu Históricu d’Uviéu y según desplicó’l xueves el fotógrafu Carlos Cámala, d’Éxodos, “‘a la de diseñar les bases d’esti concursu, la organización buscó que les fotografíes que se presenten sían fresques, tean exentes de tratamientos dixitales posteriores a tomar, y realícense el mesmu día”.

Coles mesmes, añedió que consideren importante “que nun sían fotografíes antemanaes”, pa que nes fotos véase “la inmediatez  y la improvisación”, lo que fai que sía un certame abiertu a fotógrafos amateurs y a tola ciudadanía.

Asina, señaló que la localización de los escenarios ónde tomar les fotografíes, la temática esixida, el númberu de fotografíes a presentar, según los valores a tener en cuenta na posterior selección de fotografíes y fallu del xuráu, van comunicase esi mesmu díes, a la recepción de los participantes.