El Gobiernu Vascu entama una polémica con un informe al que-y abulta más baratu’l software propietariu que’l llibre

Un informe ellaboráu pal departamentu de Facienda y Alministración Pública del Gobierno vasco afirma que el software llibre resulta más caru que el propietariu, nuna decisión na que les asociaciones que sofiten el software llibre ven la mano de les grandes empreses como Microsoft.

Amás, l’estudio, que “sospechosamente” nun foi dau a conocer de forma pública, atalanta que la mayor parte de los programes basaos en GNU/Linux entá son “inmaduros”, y nun puen instalase nes redes y ordenadores d’una administración como la vasca. En Payares, la diputada socialista nel Parlamentu de Vitoria, Idoia Mendía, preguntó en sede parlamentaria por un informe que’l Gobiernu vascu anunciara facer un año enantes pa estudiar la posibilidá de sostituir programes d’ofimática por otros asemeyaos, pero basaos en software libre. Nel primer casu, hai de pagar pola licencia d’uso, mentantu que, nel casu de los programes de códigu abiertu, la llicencia ye de baldre.

Darréu d’esto, l’asociación Hispalinux desixe qu’un informe pagáu con dinero de toos se faiga públicu,, porque ” más barato que gratis, es imposible”, en pallabres de Roberto Santos, de Hispalinux. Pa Santos nun hai datos que xustifiquen la decisión del Gobierno vasco. Ensin embargu, hai informes que sí xustifiquen la implantación inmediata y masiva del software llibre nos ordenadores de les alministraciones públiques.